Friday, 05:58
Nynorskpris til Synne Vo
Artisten og låtskrivaren Synne Vorkinn, mest kjent som Synne Vo, fekk Nynorsk kultursentrum sin pris «Årets nynorskbrukar». Prisen blei delt ut under opninga av Festspela på Aasentunet.
– Du har blitt eit inspirerande språkleg førebilete for ein ny generasjon, sa Kristin Bakken, styremedlem i Nynorsk kultursentrum, under utdelinga.
I grunngivinga for prisen vektlegg styret at Synne Vo har teke språket inn på arenaer der det er viktig at det blir meir synleg, gjennom å bruke nynorsk og dialekt i både songtekstar, marknadsføring og i sosiale medium.
– Dette var utruleg stas! Sjølv om nynorsk alltid har kome naturleg for meg, er det veldig triveleg å få ein slik pris, seier Synne Vo i ei pressemelding.
